يـا عــ ن ــا دي..

تكلّمني عن عنادي..عن الثوره..

عن جنون الهوى وفوره.

عن أفكاري..عن أطواري..

عن إحساسٍ تملّك في خفوقي شي..

عن عيونه اللي شبّت في حياتي ضي..

وسلّمني..أنا بالشوق معذوره..


 

وتحكي لي..يقولون الأهل عني..
" أميرة....لا وأسطورة"

ولا تدري..

أنا شيطان..تماثل للملأ صورة..

أنا طوفان..يلف بحور مسجورة..

أنا دخان..بقايا تحفة مكسورة..

 

أنا في خاطري قصة أبي هالكون يسمعها..

أنا في داخلي غصة عجزت أجيب مدمعها..

وبقيت أجترها أعوام..

ثم أعوام..

ولا ضنيت..يجي لي يوم وأبلعها.

 


أنا ما عدت أبي أعشق ولا أغرم..

أنا مابي أرد للجروح..أعدم..

يكفيني..

كلام اسمعه كل ليله..

ويكذّبني صباحه..

  يا عذاااب الـهـم !! 

 

خطاه الأسود الجافي تهنا بي..

نقش بالحقد من قلبه على بابي..

وأنا كلّي أمل مجروح..

ابي عشق يرد الروح..

وهو فنان..

يعزف لي الشقاء ألوان..

ويغني لي: " خذي عتابي"..





رويت المر من بحر الهوى جرّه..

تجرعت الأسى والضيم مغترّه..
أقول بقلبي الطاهر..جهر سرّه.. :

"عساه يلين طبعه يوم..

ويعرف للغرام سلوم....
ولا أفرح..ولامرة..










تكلمني..ولا أسمع..

و من كاس القهر أجرع..

وأضم الغيظ في صدري..

وأرد الود من بدري..

لأني يا الغلا.. عذري..

أحبه..ولا أبي أخدع..